د قلعه زمان دفاضله اوبو تصفیه خانې دستګاه به بیا فعاله کیږي.
د قلعه زمان خان د فاضله اوبو د تصفیه خانې دستګاه چې په ۱۳۴۶ کال کې د فاضله اوبود تصفیې په موخه جوړه شوه وه. په هغه وخت کې د عصر ټکنالوجي کارول کیده او دا په سیمه کې ترټولو لوی دفاضله اوبو تصفیه خانه ګڼل کېده. دغه دستګاه په ۲۴ ساعتونو کې د ۱۸۰۰۰ متر مکعبه فاضله اوبو د تصفیې ظرفیت لري. چې کلونه وړاندې د هیواد دداخلي جګړو له امله یې فعاللت په ټپه ولاړ و.
خوشبختانه د مکروریانو د ساتني او څارني دولتې شرکت د اوبو رسولو او کانالیزاسیون آمریت خپل تخنیکي او عملیاتي پرسونل پرمټ د شرکت له شته امکاناتو څخه په ګټې اخیستنې سره د دې دستګاه د ترمیم کار پیل کړ.چې د لومړني ترمیم چارې یې ۸۰ سلنه بشپړې شوي او په نږدې راتلونکي کې به دغه دستګاه په پشپړ ډول بیا فعاله او د ګټې اخیستنې وړ به وګرځي .
دقلعه زمان تصفیه خانې دستګاه د هیواد یو له ملي شتمنیو څخه ده. او دا دستګاه باید یو ځل بیا فعاله شي دمکروریانونو او د کابل عزتمنو اوسیدونکو ته د فاضله اوبو تصفیه خدمات وړاندې شي. انجینر فتح خان حیدري دغه څرګندونې د قلعه زمان خان د تصفیه خانی د ترمیم چارو د کتنې پر مهال وکړې او د دې ادارې تخنیکي کارکوونکو ته یې کاري کالي، دستکشې او حفاظتي خولۍ هم وویشل.
