د مکروریانونو ساتنې او څارنې امارتي شرکت د مدیره هیئت غونډه دایره شوه!
دمکروریانونو ساتنې او څارنې امارتي شرکت د مدیره هیئت غونډه نن درمضان المبارک میاشتې په شلمه (۲۰) نېټه د۱۴۴۵ هـ ق کال د امارتی شرکتونو لوی ریاست دغونډو په تالار کې دایره شوه.
په یاده غونډه کې ښاغلی ادیب الله محب د مالیې وزارت , عبدالطیف یوسفزي داقتصاد وزارت ,داکتر عبدالرحیم زی د امارتی شرکتونو عمومی ریاست استازی ښاغلی مولوی عبدالله مسلم دمکروریانونو دساتنې او څارنې امارتي شرکت لوی رئیس انجنیر عبدالله حیدری دمالي او اداري مرستیال, حافظ عماالدین سوداگریز مرستیال, انجنیر مجاهد انصار تخنیکي او عملیاتي مرستیال او دمکروریانونو ساتنې او څارنې امارتي شرکت یو شمیر آمرینو هم ګډون درلود.
یاده جلسه دادیب الله محب په ریاست مخته لاړه او دڅو مهمو او اساسی موضوعاتو لکه د۱۴۰۱ هـ ش مالی کال بیلانس د ۱۴۰۳ هـ ش مالی کال تشکیل انکشافي پلان، مالي پلان، عملیاتي پلان او تدارکاتي پلان په اره هرارخیزه بحث تر سره او د مدیره هیئت لخوا تائید شول .
