د لومړي مکروریانونو په ساحه کې د څښاک اوبو یوه حلقه څاه کیندلو کار بشپړ او د اوبو رسولو سیستم سره وصل شو!
د مکروریانونو ساتنې اوڅارنې امارتی شرکت مشرتابه پلاوي د هدایت پر بنسټ د څښاک د اوبو د کمښت د ستونزو د حل په موخه د څښاک اوبو د اوو (۷) څاګانو کیندل پیل کړي، چې د هغو له جملې یې دیوې څاه کار بشپړ او د مکروریانونو محترمو اوسېدونکو د ګټه اخیستنې په موخه له عمومي اوبو رسولو سیسټم سره وصل شو.
د یادولو وړ ده چې د شپږو نورو څاګانو کار به هم ډیر ژر بشپړ او د مکروریانونو د اوبو رسولو سیستم سره به ونښلول شي او په پلي کیدو سره به یې د مکروریانونو او اړوندو پروژو اوسېدونکو د څښاک اوبو د کمښت ستونزه حل شي.
