د شرکت د سوداګرۍ رئیس د لومړی مکروریانونو فوټبال میدان د بیارغونې پروسې څخه لیدنه وکړه!
دلومړی مکروریانونو ورزشي میدان چې په 7602 متر مربع ځمکه باندې د خصوصي سکتور د پانګونې په ملتیا یې د رغونې چارې د دوه میلیونه افغانیو په ارزښت روانې دي .
د لومړی مکروریانونو فوټبال میدان د دې سیمې د ورزشي بنسټونو د ښه کولو لپاره یوه مهمه پروژه ده، دا پروژه د ورزشي امکاناتو د لوړولو ، ځوانانو او ماشومانو لپاره د ورزشي او تفریحي فعالیتونو لپاره مناسب ځای برابرولو په موخه پیل شوې ده. په دې کې به دوه د فوټسال میدانونه، د کرکت اکاډمي او د ټینس میدان شامل وي.
په دې ورزشي تاسیساتو کې ټول معیارونه په پام کې نیول شوي، لکه د لوړ کیفیت لرونکي مصنوعي چمن کارول د ځمکې د اوږدمهاله استعمال لپاره د عصري روښنايي سیستم نصب، د نندارچیانو لپاره د ناستې ځایونه جوړول، د غیر مجاز لاسرسي مخنیوي لپاره د خنډونو نصب او د تجهیز شوو کانتینونو په پام کې نیول شوي دي. انشاء الله چې په نږدې راتلونکي کې به د دې ورزشي کمپلکس د پرانیستې شاهدان یو.
