د تخینکي او عملیاتي معاونیت انجنیرانو ته د GIS او Water GEMS روزنیز پروګرام پیل شو
د مکروریانونو د ساتنې او څارنې دولتي شرکت اړوند د تخنیکي او عملیاتي معاونیت شاوخوا ۲۰ انجنیرانو ته د انجنیرۍ د برخې اړوند د GIS روزنیز پروګرام پیل شو.
د یاد پروګرام په لومړي ورځ د مکروریانونو د ساتنې او څارنې دولتي شرکت تخنیکي او عملیاتي مرستیال انجنیر مجاهد انصار وویل، چې یاد روزنیز پروګرام به شاوخوا دوه اوونۍ دوام وکړي او دا ټرېننګ به انجنیرانو ته دا وړتیا ورکړي، چې خپل ورځني چارې په ښه توګه سر ته ورسوي.
د مکروریانونو د ساتنې او څارنې دولتي شرکت په پام کې لري، چې د خپلو کارمندانو د ظرفیت لوړونې لپاره ورته نور مهم روزنیز پروګرامونه هم چمتو او پیل کړي.
