دمکروریانونو ساتنې او څارنې دولتي شرکت معلوماتي سیسټم (MRMC-MIS) د یوې رسمی غونډې په ترڅ کې پرانیستل شو !
د مکروریانونو دساتنې او څارنې دولتي شرکت په کچه یاد معلوماتي سیستم چې د مخابراتو او معلوماتي ټکنالوجۍ وزارت په همکاري څه موده وړاندې یې چارې پیل او (۱۴۰۲-۱۰-۴) نېټه یې د پلی کولو په موخه پرانیسته وشوه .
یاده غونډه چې د مکروریانونو ساتنې او څارنې دولتي شرکت د غونډو په تالار کې جوړه شوې وه چې کلام الله پاک څو مبارکو ایاتونو په تلاوت سره پیل شوه ، ورپسې د شرکت رئیس مولوی عبدالله مسلم هر اړخیزې او د برښنایي حکومتولۍ اړه تفصیلي خبرې وکړې او د یاد سسیتم په برخه یې د کارکوونکو هلې ځلی و ستایلي او مننه یې ترې وکړه ، ورپسې د دولتي شرکتونو لوری رئیس مولوی عبدالحمید اخندزاده عالمانه وینا وکړه او سیستم جوړونه یې د عصر غوښتنه وبلله او په چارو کې د اخلاص ماده یې اړینه یاده کړه ، ورپسې د مخابراتو او معلوماتي ټکنالوجۍ وزارت د سیستمونو انسجام او تضمین کیفیت رئیس پوهنیار عبدالرحمن صافي ارزښتناکې خبرې وکړې او د سیستمونو په ارزښت او مؤثریت یې رڼا واچوله .
یاد سیستم چې د اوسني عصر په پرمختللې ټکنالوجۍ او پریمورکونو څخه په ګټه اخیستنې جوړ شوی ، د یاد سیستم پر مټ به چارې ګړندۍ ، شفافې او مؤثرې شي د وخت او سرچینو له سپما څخه به تر ډېره بریده مخنیوی وکړي .
په ورته مهال هغه کارکوونکي او مسؤلین په ستاینلیکونو و ستایل شول چې د یاد سیستم جوړولو برخه کې یې همکاري کړې ده ، غونډه د دعایې په ویلو پای ته ورسېده او سیستم عملاً د کلیک په کولو سره پرانیستل شو .
