د برېښنايي حکومتولۍ په لور
د مکروریانونو د ساتنې او څارنې دولتي شرکت د برېښنایي حکومتولۍ د پیاوړتیا لپاره یو شمېر ګامونه اخیستي، چې له مخې یې د دې شرکت لپاره ډیجېتلي سیسټمونه جوړ شوي او د یو شمېر نورو سیستمونو په چارو هم کارونه روان دي.
د دې شرکت اړوند د خدمتونو او مالوماتي ټکنالوژۍ آمریت د برېښنايي حکومتولۍ اصل ته په ژمنتیا، د چارو ګړندي کول، په چارو کې شفافیت او د ټولو عایداتي او مصارفاتي سرچینو د بشپړ کنټرول او څارنې په موخه د ټول شرکت په کچه د معلوماتي سیسټم (MIS) د پلي کولو په موخه د بنسټیز جوړښت(Infrastructure ) چارې روانې کړي چې په بشپړېدو دي او په پلی کېدو سره به یې د چارو چټکتیا، د وخت او سرچینو سپما او بشپړ شفافیت رامنځته شي.
دغه راز د شرکت دننه د ټېلفوني شبکې رامنځته کول هم یو له هغو لاسته راوړنو څخه ده چې پرمټ به یې په اسانه او لنډ ډول د شعبو ترمنځ اړیکې را منځته شي.
د یادونې ده چې د کمپیوټري شبکې(Computer Network) چارې هم ۸۰ سلنه پرمخ تللي چې د شرکت ټول کارېدونکي کمپیوټرونه او نور ټکنالوجیکي وسایل به د بشپړ کنټرول لاندې راولي او ورسره به د یادې شبکې پرمټ د انټرنت وېش هم په خوندي او چټکه توګه ترسره شي.
