د مکروریانونو د ساتنې او څارنې دولتي شرکت کارمندانو ته «پرمختګ د اسلام په رڼا کې» تر سرلیک لاندې پرزېنټېشن وړاندې شو
د وړتیا لوړونې د روزنیزو پروګرامونو په لړ کې نن یکشنبه د ۲۷/۰۶/۱۴۰۱ نېټه د مکروریانونو د ساتنې او څارنې دولتي شرکت کارمندانو ته « پرمختګ د اسلام په رڼا کې» تر سرلیک لاندې پرزېنټېشن وړاندې شو.
دغه پرزېنټېشن د مکروریانونو د ساتنې او څارنې دولتي شرکت د رییس پوهنمل غلام عمر عبدالله په غوښتنې د کندهار پوهنتون پخواني رییس پوهنوال دوکتور محمد زکريا ميرزاده لهخوا وړاندې شو.
دوکتور صاحب میرزاده په خپلو خبرو کې د اسلام له نظره د عصري زدهکړو او پرمختګ په اړه د قراني آیاتونو او نبوي حدیثونو په رڼا کې توضیحات ورکړل او ویې ویل، چې اسلام هېڅکله له پرمختګ سره په مغایرت کې نهدی واقع شوی او هغه څه چې ساینس اوس ثابت کړي، زرګونه کلونه وړاندې اسلام واضح کړي وو.
هغه وویل:
په اسلامي نړۍ او په تېره بیا په افغانستان کې د ابنسینا، خواجه عبدالله انصاري، مولانا جلال الدین بلخي، او ګڼ شمېر نورو مخورو په څېر .شخصیتونه تېر شوي چې له علم او زدهکړو یې ان ټوله نړۍ اغېزمنه شوې او له کتابونو او ویناوو یې اوس هم استفادې کېږي
ښاغلي زکریا په پای کې د شرکت له ټولو کارمندانو او همداراز له نورو حکومتي مسوولینو وغوښتل چې په خپلو کارونو کې له اخلاص کار واخلي، څو ورځنۍ چارې یې په سمه توګه پرمخ ولاړې شي.
