د پرمختګ او آبادۍ خبر
د مکروریانونو د ساتنې او څارنې دولتي شرکت د رهبرۍ او تخنیکي ټیم په هلو ځلو د یونېسف نړیوال سازمان په همکارۍ تقریباً د ۱۰ څخه تر ۴۰ میلیونو افغانیو په لګښت د قلعه وزیر بنسټیزه پروژه منظوره شوه.
د دې پروژې د ګټونکي شرکت اړوند د سروې او ډیزاین انجنیران نن د مکروریانونو د ساتنې او څارنې دولتي شرکت ریاست ته معرفي شول او ډېر ژر به سیمه ورته تسلیم او عملي چارې به یې پیل شي.
د یادونې ده چې په یاده پروژه کې د مکروریانونو د ساتنې او څارنې ریاست د کانالیزاسیون سیستم د مرکزي پمپ استېشن بشپړه بیارغونه شامله ده.
د دې پروژې د ډیزاین او برآورد چارې به یوه میاشت وخت ونیسي او وروسته به پروژه اعلان ته سپارل کېږي او همداراز د څلورو میاشتو په جریان کې به ګټي اخیستنې ته هم وسپارل شي.
باید وویل شي، چې د تېرو د ۴۰ کلونو راهیسې د یاد پمپ استېشن له جوړېدو څخه بیا تراوسه پورې د د دې استېشن د بیا رغونې په هکله هېڅ اقدام نه و شوی.
