د ظرفیت لوړونې عمومي مدیریت لنډ کاری ریپورټ!
محترم حافظ سید حمدالله اغا د مکروریانو د ساتنې او پالنې دولتی شرکت د ظرفیت لوړونې عمومي مدیر د دې ادارې د فعالیتونو او دندو په تړاو؛وویل:
د دندوکاری لایحه او پلان په پام کې نیولو سره، د ظرفیت لوړولومدیریت د نیاز سنجی فورمه ترتیب کړې او ټولو اړوندو څانګو ته یې لیږلې، ترڅو ټولې څانګې وکولی شي هغه پروګرامونوته چې دوی ورته اړتیا لري مشخص کړي او بیرته یې دې مدیریت ته واستوي؛ وروسته دغه مدیریت د اړوندو څانګو د اړتیا په پام کې نیولو سره په کلني پلان کې شامل کړي ده.
د دې ادارې کلنی کاري پلان اود نیازسنجی فورمې په نظر سره نیولو پروګرامونو د اړتیاوو او لومړیتوبونو له مخې پلي کیږي. دغه راز د کاري پلان له مخې، دغې ادارې د GIS پروګرامونه، د څاه ګانو جوړول، واټرجیم او اداري او اصلاحي مدیریت پروګرامونه په لاره اچولي او د اړوندو څانګو زیات شمېر کارکوونکي یې روزلي دي.
دا شرکت له کورنیو او بهرنیو څانګو سره په اړیکه کې دی او ښه همغږي لري، دوی د اړتیا په صورت کې له دې څانګې سره همکاري کوي، ترِ دې دمه یې د دې شرکت کارکوونکو ته له شرکت څخه بهر په تخنیکي څانګو کې روزنه ورکړې او روزل شوي کارمندان به یې وروسته د شرکت په داخل کي په همدې مناسبت ورکشاپونه د شرکت د کارمندانو لپاره پرانستلي ترڅو نور کارمندان وکولی شي د دې پروګرامونو څخه ګټه پورته کړي.
په دې وروستیو کې د ظرفیت لوړونې مدیریت په دوه دوره د شپژو ورځو لپاره اداري او اصلاحي روزنیز پروګرام په لاره واچاوه چې په ترڅ کې یې د تربیتی او ادارې اساساتو په اړه معلومات ورکړل شول.
دا اداره تل هڅه کوي چې د کارکوونکو د اړتیاوو سره سم ورکشاپونه او سیمینارونه په لاره واچوي، ترڅو د کارمندانو د ظرفیت لوړولو په برخه کې ګټور او ارزښتناک وي.
