په لومړي مکروریانونو کې د یوې حلقې ژورې څاه کیندلو پرانیسته وشوه!
![media](/sites/default/files/2024-06/6_0.jpg)
یوه حلقه د څښاک اوبو څاه په لومړي مکروریانونو کې چي د شرکت د ۱۴۰۳ هـ ش کال د پراختیایی پلان برخه وه کیندل کیږی.
ددي څاه دپرانیستې په مراسمو کې انجنیر عبدالله حیدري مالي او اداري مرستیال اودشرکت کفیل، تخنیکي اوعملیاتي مرستیال مجاهد انصار، آمرینو او دمکروریانونو یو شمیر وکیلانو ګدون درلود.
دا څاه په یو سل او پنځوس (150) مترو ژوروالي اوشپاړس (16) انچ قطر سره د شرکت له پراختیایي بودیجې څخه کیندل کیږي او په نږدې راتلونکي کې به د مکروریانونو داوبو رسولو له شبکې سره وصل شی، چی ورسره به د لومړي مکروریانونو اوسېدونکو دواوبو د کمښت ستونزه حل شي.
د یادونې وړ ده چې دمکروریانونو ساتنې او څارنې امارتي شرکت په 1403 هـ ش کال کې ډیرې پرمختیایی پروژې په پلان کې لري او د یادو پروژو په تطبیق کې د مکروریانونو او اړوند پروژو اوسېدونکو همکاري اړینه بولي ترڅو په ښه شان ټولي پلان شوې پرمختیایي پروژې پلې شي.